Do findysch allewyl emol e Värsli vo de "Wilde"....oder Frinde vo dr WuF
Wettsch au eins do dinne haa? Schiggs via "Kontaggt" an unsere Web-Maaschter.,,,
6.1.18 dr Schaabernagg
Ich, dr Schaabernagg, haiss zwar nid so,
bi aber allewyyl an dr Fasnacht doo.
Gsee d WuFler wie sy luschtig daggle
und ooni Stress dur d Altstadt gwaggle.
Wär waiss, vilicht wird i au no e Wilde
und stooss denn zu eich WuFlerGilde.
31.12.17 anonymus (e guete Frind vo uns!)
Bisch soo wien ych im Comité,
duet das zwar nid wirgglig wee,
Nur nyydysch gseen y: Dr gletter Huffe,
sin die Wilde/Freie wo zämme WuFfe!
29.10.17
Langsam kunnt au doo dr Nääbel
lullt lyyslyg fyyn sy Landschaft yy....
...UND JETZT BISCH DUU GFROGT!!!! SCHRYB WYTTERS UND SCHIGGS AN 'kONTAGGT'....
....S WIRD DENNE VEREFFENTLIGT!
20.3.17 vom 'mjps:
Fascht dääglig duet in dääne Daage
dr Houmpeitsch-Chef Sache noochedraage.
Är macht dert e Lingg und doo e Fotty,
wo meegligsch beschtens platziert syy sotty...
Är korrygiert e paar falschy Bricht,
Ergänzt no doo und dert e Gschicht.
Doch wichtyg wär (ou das wär s Digge):
Ihr wurdet ihm Unterlaage schigge!
Helge, Filmli oder Täggscht!
Wär mäldet sich? Wär isch dr Näggscht?
Drum schigg mr Suubers... oderTäggscht vom Säuli...
Härzligscht eyre Houmpeitsch-Päuli.
10.3.17 vom 'Magnolius Tirggehoonyg:
E Jeede waiss, dass es drinneliggt,
dass Basel e weeneli anderscht tiggt:
Dass d Basler Fasnacht trotz den enorme
Vorgoobe, Gsetz und Rächt und Norme,
no allewyyl duet "dFasnachts-Famylie" pflääge,
merggsch schpeetyschtens an dr Källerschtääge,
wenn de zu de Wilde-Freye (e schreege Huffe!)
an Oobe goosch, zem aine suffe.
Dert bisch nid "ain vom Comitéé",...
au kain vo BSG oder VSG...
Doo gits kai Grumsle! S git numme s Lache,
will s Motto haisst: Zämme Fasnacht mache!
Wottsch dr Fasnachtsgaischt in sym Urschprung erlääbe?,
Denn isch e Bsuech by de WuF nid drnääbe!
Do gschpyyre Gsellyne und au Gselle,
was die ächty Fasnacht hätty welle!
20.2.17 vom 'Debbibebbi' (???):
Wenn s dr Blocher z Bärn uf d Schnure schlot,
Kasch fro sy, isch er nümm Bundesrot!
Will bi däm Bletverluscht, liggts sicher dinne:
Är wurdi no viel schlimmer spinne.
:
20.2.17 vom mjps:
Bald isch es ändlig wider sowyt:
Es schtartet die scheeny Fasnachtszyt!
Drum trotzet de beese Grippevyyre
und dient nit mit Noro-Vyyre fyyre!
Drum dängget draa - e jeedy Schtund:
Steryylyum - und blyybet gsund!
15.2.17 vom Guanaschi:
Jetzt bi au ich emol im Bild,
die schönschti Fasnacht isch frei und wild.
Mi wurdis aber sinnvoll schiine:
Die Sitte ghöört ins Facebook iine!
31.1.17 vom "Flänzgy":
Dä (Drambbel-)Typ ääne am groosse Dyych
duet Alles fir es 4. Ryych!
Doo frogt sich Mängge, eb me muess
fir dert e Vyysum ha?
Oder längt e Hitler-Gruess?
1.2.17 von "Gambyross"????:
Eme Basler Humanischt duets länge,
numme dr Bilderrahme z spränge!
Witt bym Spränge Dooty in dr Kischte?
Denn göörsch Du zu de Islamischte!
3.2.17 von "Guguuseli":???
dr Trump, das isch dä armi Ma,
dörte grad z Amerika.
Dämaint "die Fremden müssen fort!"
Jä kennt dä Typ sy Heimetort???